Statements

Ping Tinanggap Pag-amin ni Ex-PGMA sa Paniniwala sa Fake News, Paninira sa Kanya

Huli man at magaling naihahabol din.

Ito ang naging tugon ni Partido Reporma presidentiable Sen. Panfilo ‘Ping’ Lacson sa pag-amin ni dating Pangulong Gloria Macapagal-Arroyo na siya ay naniwala sa kasinungalingan at maling impormasyon para madiin ang una sa mga alegasyong idinidikit sa kanya.

Ang pag-amin ay isiniwalat ni Arroyo sa isa sa mga pahina ng librong inilathala nito kamakailan, lamang kung saan binanggit niya na naniwala siya sa mga gawa-gawang kuwento ni Antonio Luis Marquez a.k.a. Angelo “Ador” Mawanay noong 2001, na diumano’y nag-uugnay kay Lacson sa ilang kriminalidad.

Related: Lacson on Ex-President Arroyo’s Admission on Baseless Accusations: Better Late Than Never

Pero ipinaaalala din ni Lacson na kahit noong hindi pa lumalabas ang libro ay matagal na niyang napatawad ang dating presidente sa mga akusasayong ginawa nito na naging dahilan para maging miserable ang kanyang buhay at imahe sa publiko sa loob ng mahabang panahon.

“‘Deus Ex Machina’: Late is always better than never. To ex-PGMA’s credit, she has the decency and courage to admit that she publicly and unjustly accused me of various crimes based on false information. Whatever, I have already forgiven her a long time ago,” reaksyon ni Lacson sa pamamagitan ng kanyang Twitter account sa libro ng dating presidente na naglalaman ng bahaging inamin niya na naniwala siya sa fake news.

“Whether or not she was sincere and truthful in saying that there was no deliberate attempt to spread fake information about my person is no longer that important to me since I have already forgiven her a long time ago as I did to all those who maligned and besmirched my reputation,” tugon pa ni Lacson sa ginawang pagtutuwid ni Arroyo sa sarili.

“If it’s any consolation, she taught me never to unjustly treat anybody knowing first hand how it is to be at the receiving end of such malevolent persecution by somebody in a position of authority and power,” ayon kay Lacson.

“For nine long years, under her regime, all I had been hoping and praying for was to get back my dignity and honor,” dagdag ni Lacson.

Una na ring humingi ng tawad kay Lacson si dating Intelligence Service of the Armed Forces of the Philippines (ISAFP) Chief Victor Corpuz kaugnay sa naturang usapin pati na rin ang pahayagang Philippine Daily Inquirer dahil sa mga naunang paglalabas nito ng maling mga balita laban sa Partido Reporma standard-bearer.

*****